Mass wedding ipatigayon sa South Cotabato kadungan sang Valentine’s Day

KORONADAL CITY- Kapin sa isa ka gatos nga live-in couples ang dululungan nga ikasal subong nga adlaw sa municipal gymnasium sang Polomolok, South Cotabato kadungan sang selebrasyon sang Valentine’s Day.

Isa ka kooperatiba sa nasambit nga banwa ang nagsponsor sang nasambit nga mass wedding in parnership with South Cotabato Provincial Office kag concerned government offices sa nasambit nga banwa.

Ginpahayag sang isa sa mga opisyal sang nasambit nga kooperatiba, kapin sa isa ka milyon ang ila gin-alokar nga pondo para sa nasambit nga kasalan.

Nahibaluan nga mga empleyado mismo sang nasambit nga kooperatiba ang ikasal subong kun sa diin katuyuan sini nga mangin legal na ang pag-updanay sang mga ini pinaagi sa isa ka kasal.