KORONADAL CITY – Pagatinguhaan sang Koronadal LGU ang pagpatuman sang mass testing sa mga pumuluyo agud makaangkon sang nagakaigo nga closure sa kaso sang covid-19.
Suno kay Mayor Eliordo Ogena, iya na nga ginmandoan si City Health Officer Dr. Editho Vego nga maghimo sang mga tikang agod makalikaw sa nasambit nga balatian.
Sa pagkamatuod nasuguran na suno pa ini sa mga frontliners sang siyudad.
Gina – assess man sang alkalde ang ginakabig nga work plan nga kinahanglan suno pa nga holistic kag nagaagi sa assessment kag logistics agod mangin maayo man ang resulta para sa katawhan.
Nagsinapol man ini sa mga negosyante agod ipakigbahin ang ila nga parte kag nangin pabor man sila sa mass testing agod pakigbatuan ang virus kag ang partial nga pagbalik sang trabaho agud mabuhi ang ekonomiya sang siyudad.
Samtang, ginalauman sini nga sa Abril 30 matigayon na ang mass testing kun sa diin pagaunahon diri ang mga front liners antes ang mga pumuluyo.
