Naglab-ot na sa 12, 759 nga pamilya ang apektado sang malapnagon nga pagbaha tuga sang naeksperienaiyahan nga pagbubo sanng ulan sa isla sang Mindanao.
Sa ginpaguwa nga listahan sang MDRRMO Pikit, kalakip sa mga apektado nga pamilya ang nagikan sa mga Barangay sang Balabak nga may 1,235 ; Tinutulan 1,055 ; Balatican 407 ; Inug-ug 1,723 ; Talitay 995 ; Bulod 107; Kolabog 825 ; Silik 457 ; Ginatilan 567 ; Ladtingan 428 ; Punol 1,603 ; Paldu Pulangi 1,723 ; Calawag 450 kag Katalicanan nga may kabug-usan nga 1, 094.
Ginkumpirma man sang LGU Pikit nga ang nasambit nga mga pamilya nga apektado sang baha ang nagbakwit kag nagbiya sa ila nga panimalay bangud delikado nga sitwasuon kag nagapabilin karon sa Barangay Hall kag pila ka evacuation centers.
Nagpanghatag naman sang bulig ang talatapan ni Mayor Sumulong Sultan kaupod ang MSWDO, MDRRMO kasubong sang mga trapal nga mahimo nga temporaryo nga pasilungan sang mga ini, pagkaon kag malimpyo nga tubig.
Suno sa mga residente napilitan sila nga magbakwit bangud sa lampas tawo nga baha.
Sa subong nagapadayon pa ang damage assessment sa mga barangay nga apektado sang baha.
