KORONADAL CITY-Nagapadayon sa karun ang imbistigasyon sang mga kapulisan kag mga kasuldaduhan sa natabo nga engkwentro sa tunga sang masobra sa 50 ka nga NPA nga grupo sang Guirilla Front Musa sang New Peoples Army kag 11th Special Forces. Ini ang ginpahayag ni Capt. Chris Punzalan, Compay commander sang 11th Special Forces sa pagpakighimun-anon sang Bombo Radyo Koronadal.
Suno kay Capt. Punzalan may ara sang mga nagkalapilasan sa bahin sang mga rebelde makaligad ang isa ka oras nga pagbayluhanay sang lupok sang armas luthang. Samtang wala naman sang napagkit nga casualties sa hubon sang mga kasuldaduhan sa nasambit naman nga insidente nga natabo naman sa Barangay Dlanag banwa sang Tboli South Cotabato.
Dugang pa ni Punzalan bag-o paman natabo ang insidente kag engkwentro nabalitaan na nila ang presensya sang mga armado nga mga NPA sa nasambit nga Barangay kag gilayon naman nga nag responde ang mga ini kag didto natabo ang wala ginalauman nga engkwentro sa tunga sang kumunista nga grupo kag mga kasuldaduhan.
Dugang pa sini nga kung nagahilapit na ang piniliay ginaabuso sang mga NPA ang naga papili agud nga kwaan sang sarang nga makuha kag naga extort sa mga may luyag nga magpadalagan.
