Kabug-usan nga Php4,242,300.00 ang balor sang smuggled cigarettes ang nakumpiskar sang mga katapo sang Police Regional Office 12 sa mas ginpasangkad nga operasyon sang mga otoridad batok sa mga smuggled kag counterfeit items.Suno sa mga kapulisan, ang tuman ka dako nga balor sang mga smuggled cigarretes sa isa ka intel-driven operation sa bahin sang Barangay Cabayuran, Libungan, Cotabato Province sa diin ginpangunahan sang Libungan MPS, 2nd PMFC and PIU, all of CPPO; RID 12; RIU 12; and 1203rd MC, RMFB 12 sa diin kabug-usan nga 39 boxes sang Filter Kings Commando Cigarettes; 37 boxes sang Fort Cigarettes; kag 150 reams sang Fort Cigarettes (White).
Arestado naman ang suspek nga si alias “Tata,” 36 years old, may asawa, negosyante, nga residente sang Barangay Poblacion, Libungan, Cotabato.
Na-intercept sang mga otoridad ang mga sigarilyo sa diin wala sang may maipakita nga dokumento ang nasambit nga negosyante.
Magapangatubang naman sang kaso nga paglapas sa kaso nga RA 10643 (The Graphic Health Warnings Law).
Ang narekober nga mga sigarlyo kag ang suspek ang gindala naman sang Libungan MPS sa disposisyon sang kaso.
