-- ADVERTISEMENT --
Nagpadala ang Philippine Amusement and Gaming Corporation (PAGCOR) sang masobra P21,000 nga relief packs para sa mga biktima sang asod-asod nga bagyo sa Northern Luzon.
Dako nga parte sini nga 13,000 packs ang magakad-to sa probinsya sang Cagayan samtang ang iban ang sa probinsya sang Apayao (CAR), Isabela, kag Ilocos Norte (Ilocos Region).
Suno sa PAGCOR Chairperson and CEO Alejandro Tengco, ang Office of the Civil Defense na ang bahala sa pagpanagtag sang nasambit nga mga supplies.
Pagasundan ini sang mga dugang nga relief item nga igahatag san mga nagbalakwit nga residente sa tunga sang paglaslas sang Super Typhoon Pepito.
