KORONADAL CITY – Naglab-ot sa masobra 6,000 ka puno sang marijuana nga nagakantidad sang P1.2 milyon ang nagabot sang mga otoridad sa nabukid nga bahin sang Sitio Benigno, Barangay Miasong, Tupi, South Cotabato nga malapit naman sa boundary sang Davao Del Sur kag Sarangani Province.
Suno sa Tupi PNP, ginsalakay ang nasambit nga plantasyon sang marijuana sang gintingob nga pwersa sang RID 12, PNP PDEG, RPDEU 12, PDEU , SCPIU,1205th RMFB12 kag PMFC 1st company.
Nakilala ang culivator sang plantasyon nga si Alias Erick Doremon, residente sang Brgy Pula Bato, Tampakan, South Cotabato.
Matapos nga magabot, ginsunog ini sang mga otoridad.
Magluwas sini, nagspray man sang herbicide ang mga operatiba sa nasambit plantasyon agud ngaindi na magtubo pa ang liso sini.
