Naglab-ot na sa masobra 8, 800 ang numero sang mga indibidwal nga temporaryo nga nagapabilin sa mga evacuation center bangud sa epekto sang Bagyo nga Aghon.
Ang datos nga ini ang ginpaguwa sang Department of Social Welfare and Development.
Ini ang ginabug-usan sang 2,500 pamilya gikan sa rehiyon sang CALABARZON, MIMAROPA, kag Region V.
Suno kay DSWD Assistant Secretary Irene Dumalao, 2200 ka mga pamilya gikan sa nasambit nga numero ang nagapabilin sa evacuation sa rehiyon sang CALABARZON.
Nagalab-ot naman sa 200 ka pamilya ang nagikan sa MIMAROPA kag ang 43 ang nagikan naman sa Camarines Sur.
Pila sa mga apektado nga pamilya sa nasambit nga mga rehiyon ang mas ginpili nga mag-istar sa ila mga himata.
Wala naman sang untat ang pagpanghatag sang bulig sang ahensya sa mga apektado nga residente partikular na ang mga relief items.
