Ginmandu sang Philippine Amusement and Gaming Corporation ang pagpasira sa kapin sa 7,700 ka illegal nga mga online gaming websites sa pungsod.
Suno sa PAGCOR Chairman Alejandro Tengco, sang nag pungko na siya saiya nga pwesto, ila na nga gin-report ang mga 7,747 nga ilegal nga operators sang online game sa mga sakop nga ahensya.
Ginpahayag pa sang ahensya nga gina obserbahan nila ang tanan nga ilegal nga online gaming sites sa pungsod halin pa sang 2022.
Nagalakip sa ila gid nga ginaobserbahan ang mga e-sabong, Facebook ads, mobile applications, kag offshore sites.
Gikan sa kapin sa 7,000 nga ilegal nga online gambling, ang 5,793 sini ukon 74.78% ang bug-os na nga na-block.
May ara pa nga 1,954 ka ilegal nga online gaming websites nga padayon nga aktibo kag nagapadayon sa pag-operate.
Padayon man ang pagkomunikar sang PAGCOR sa mga mobile payment app agud nga indi na pagtugutan ini nga magamit sang mga ilegal nga mga operator.
