KORONADAL CITY- Naga-apela subong sa gobyerno ang nilibo ka mga pampubliko nga empleyado sang Autonomous Region in Muslim Mindanao o ARMM nga mangin apektado sang igapatuman nga Bangsamoro Government makaligad mapirmahan na ni Pres. Rodrigo Duterte ang Bangsamoro Organic Law.
Nahibaluan nga ginkumpirmar mismo sa Bombo Radyo ni Bangsamoro Transition Council Chairman kag MILF 1st Vice-Chairman Ghadzali Jaafar ang pagkakas tanan sa pwesto sang mga kasamtangan nga mga empleyado luwas na lang sa mga manunudlo, doktor, nurses, health workers kag social workers.
Apang sa pihak sang kabalaka nga madulaan sang trabaho, pwede sa gihapon marehire ang mga makakas nga mga empleyado apang kinhanglan nga makapasar ang mga ini sa kwalipikasyon nga igatalana sang bag-o nga gobyerno.
Nahibaluan nga kasunod ini sang kabalaka ilabi na sang mga empleyado nga madugay na sa serbisyo sa Autonomous Region in Muslim Mindanao.
