KORONADAL CITY- Nagakabalaka sa karun ang mga ginhikanan sang mga estudyante sang Telafas National High School sa banwa sang Columbio, Sultan Kudarat nga ginapatighan nga nabakunahan sang kontrobersyal nga Dengvaxia vaccine.
Nahibaluan nga nagpadulong sa Bombo Radyo Koronadal si Ginang Nikki Espinosa, iloy sang isa sa mga estudyante nga nakabaton suno pa sang nasambit nga bakun kun sa diin suno kay Ginang Espinosa naalarma suno ap ini makaligad mabalitaan sa Bombo Radyo ang mainit nga isyu angot sa ginasiling nga negatibo nga epekto sang Dengvaxia ilabi na kag isa ang bata sini nga nakabaton sang nasambit nga bakuna tuig 2016 kaupod sunu pa ang yara sa 600 ka mga estudyante.
Dugang pa nga makaligad suno pa nga mabakunaan ang bata sini gindangat ini sa balay bululngan sa South Cotabato Provincial Hospital makaligad magbalatian sang Dengue.
Panawagan sini nga kun tani mamonitor suno pa ang iya nga bata bangud tubtob subong may yara sa gihapon ini sang sintomas sang balatian nga dengue kasubong sang pabalik-balik nga lagnat, pagpalanakit sang tiyan kag iban pa.
Nagakahadlok ini kag ang iban pa nga mga ginhikanan sa nasambit nga banwa nga nabakunahan sang kontrobersyal nga Dengvaxia.
