KORONADAL CITY– Nagpatunga na ang Brgy Council, Local Government Unit, Indigenous People’s Mandatory Representative, Phil National Police kag iban pa nga ahensya sang gobyerno agud nga maresolbar kag masolusyunan ang away sang 2 ka tribu bangud sa agaway sa duta sa Surallah, South Cotabato.
Sa interbyu sang Bombo Radyo Koronadal kay Surallah Municipal Disaster Risk Reduction and Management Officer Leonardo Ballon, 13 ka pamilya ang nagbakwit ukon masobra 60 ka indibidwal halin sa 4 ka Sitios sang Barangay Colungulo sa nasambit nga banwa.
Suno kay Ballon, temporaryo nga nagtinir ang mga ini sa puly-an sang Brgy Kapitan kag Brgy Kagawad sang Brgy Colongulo.
Ang nasambit nga mga Sitios ang ginalakipan sang Sitio Lamfugon, Kapikong, Datal Samlon kag Sepak.
Dugang pa sini, nahatagan na sang una nga bulig ang mga bakwit kag ginpaidalom naman sa stress-debriefing sang MSWDO ang mga babaye kag mga bata nga bakwit bangud sa nasambit nga rido.
Nahibaluan na nag-umpisa ang gamo makaligad nga mapatay ang Sitio Leader sang Lamfugon sang Pebrero 28 kag nagtimalos sa suspek sa nasambit nga krimen.
Top
