Nagdangat na sa masobra 60 ang numero sang napatay bangud sa pag-ulan kag pagbaha sa China.
Ini matapos naka-eksperyensya sang mamunog nga pag-ulan ang pila ka lugar sa nabagatnan nga bahin sang pungsod sumugod sadtong Hunyo 9.
Nag-issue sa karon ang National Meteorological Center sang red alert ukon ang pinakamataas nga level sang rainstorms sa walo ka probinsya kag munisipalidad lakip na ang Anhui kag Hunan provinces sa masunod nga tatlo ka adlaw.
Matandaan sang tinalikdan nga semana, 47 ka tawo ang napatay sa Guangdong province, samtang walo naman ang missing matapos ang nagluntad nga landslide sa Douxi village sa Xinhuang Dong autonomous county sang Huaihu.
Samtang linibo naman ka mga panimalay ang naguba tuga sang mamunog nga pag-ulan kag pagbaha sa low-lying areas kag nagtuga sang kahalitan sa mga pananum kag dalanon.
