KORONADAL CITY – Madinalag-on nga narekober sang joint law enforcement operation ng PNP kag mga militar sa Barangay Pimbalakan, Mamasapano, Maguindanao del Sur ang 61 ka mga ginakabig nga loose firearms sa diin 47 tanan ka mga indibidwal ang natigayon nga naarestar sang mga otoridad.
Sa interview sang Bombo Radyo Koronadal kay 6ID Spokesperson Lt Col. Roden Orbon , ginpahayag sini nga nagluntad ang operasyon sa kasunod man sa engkwentro sa tungan nanday Badrudin Inda kag Zainudin Kiaro sang barangay Pimbalakan kag Tukanalipao.
Dugang pa sini, nagpatigayon sang operasyon ang mga otoridad bangud sa wala untat nga baslanay sang lupok sang magtimbang nga grupo kag nangin kabangdanan man sang kahadlok kag kakurdam sang mga residente sa lugar.
Bangud sa halit nga dala sang engkwentro nagkreer sang pamaagi ang mga otoridad agud nga maresolbar ang tanan sa bisan anu nga mga pamaagi.
Ginpahayag naman ni Orbon nga padayon ang pagpangganyat sang pamunuan sang 6ID PA sa tanan nga mga may ara san ginahupot nga mga indi linsinsyado nga mga armasluthang nga isungka ang mga agud magbalik sa sabakan sang Gobyerno kag magbalik na sa sabak sang Gobyerno sang Pilipinas.
