Masobra 50 ka armado, nadakpan sa Buluan, Maguindanao del Sur bangud sa ilegal nga pagdala sang armas

Masobra singkwenta (50) ka mga armado nga indibidwal ang nadakpan sang mga otoridad sa Buluan, Maguindanao del Sur subong nga adlaw, bangud sa ginasuspetsahan nga ilegal nga pagdala sang armas, kasabay sang ginahiwat nga eleksyon.

Suno sa inisyal nga impormasyon, ang mga nadakpan ang ginapahayag nga wala sang igong dokumento ukon permit sa pagdala sang ila mga armas, nga delikado kag ilegal ilabi na sa tunga sang eleksyon.

Ginalantaw subong sang mga otoridad ang posibilidad sang pagpanghimulos sa eleksyon kag ginahimo na ang masanag nga imbestigasyon agud mahibaluan ang motibo sang mga nadakpan.

Padayon nga ginapabaskog sang kapulisan kag militar ang seguridad sa lugar agud masiguro ang malinong kag hapsay nga botohan.