Naglab-ot sa 5.6 nga kilo sang shabu ang gin guba sang PDEA BARMM sa Hall of Justice Jolo, Sulu.
Ang pag guba sang mga nasamsam nga mga illegal nga droga ang pinaagi sa pagsagol sang mga ini sa semento agud nga masiguro nga indi na ini mausar pa liwat.
Ang nakumpiskar nga illegal nga droga ang naga balor sang sobra 38 Million pesos nga halin sa operasyon sang PDEA BARMM kontra iligal nga droga humalin pa sang tuig 2022 tubtub sa kasamtangan nga tuig.
Ang pagguba san gga illegal nga droga ang ginsaksihan ni PDEA BARMM Regional Director Gil Cesario Castro, Sulu Provincial Administrator Ermin Tan, Sulu PPO Provincial Director Pcol. Narciso Paragas, PNP Forensic Unit kag sang Prosecutor’s Office.
Malipayon man ang mga otoridad sa nasambit nga aktibidad nga isa ka pamaagi nga wala sang recycling sang illegal nga droga sa mga otoridad.
Isa suno pa ini ka pamaagi sang PDEA BARMM sa pagpakita man sang pagpapas sang illegal nga droga sa bilog nga rehiyon.
Magapadayon naman ang pagpatuman sang mga otoridad sang mga tikang agud nga mangin epektibo pa ang mga drug buy-bust operations sang mga otoridad batok sa mga padayon nga naga hupot kag naga usar sang illegal nga droga.
