KORONADAL CITY– Natalana nga magpartisipar ang yara sa masobra 400 ka mga inmates sang South Cotabato Rehabilitation and Detention Facility sa palaabuton nga May 13, 2010 midterm election.
Sa ekslusibo nga interbyu sang Bombo Radyo Koronadal kay Jail Warden Juan Lanzaderas, magasugod ang eleksyon sa sulod sang jail alas 7 sang aga kag magatakop alas 2 sang hapon nga pagasaksihan sang 32 Board Election Inspectors o BEIs kag pila ka election officers kag PNP.
Dugang pa sini nga ginatugutan lamang ang mga ini nga magboto sang mga senador kag partylist apang ginadumilian ang pagboto sa mga lokal nga kandidato base sa guidance nga ginpagwa sang Commission on Elections.
Pagkatapos sang mga inmates nga magboto, pagadal-on sang mga BEIs ang ila mga balota sa kada precincts na ila ginakabug-usan.
