KORONADAL CITY- Nadugangan pa ang mga barangay sa bayan ng Kabacan, North Cotabato nga ginpaidalom sa state of calamity bangud sa sa pagsaka sang tubig-baha.
Ini bangud sa padayon nga naeksperiensiyahan nga pagbubo sang ulan tuga sang thunderstorms sa nasambit nga probinsiya.
Sa subong naglab-ot na sa 7 ka mga barangay ang ginpaidalom sa state of calamity bangud sa pagsaka sang lebel sang tubig kag naapektuhan ang mga residente sa low-lying areas sang munisipyo.
Masobra 3,000 ka pamilya naman ang temporary nga nagbakwit bangud sa nasambit nga pagbaha kun diin lakip nga naguba ang mga talamnan.
Wala naman sang nareport nga nasamaran sang sitwasyon sa lugar.
Sa subong, ginahibalo pa sang Municipal Disaster Risk Reduction and Management Office (PDRRMO) ang kabug-usan nga damyos sang mga pananom kag palangabuhian sang mga residente nga apektado sa lugar.
