Linibo ka mga miyembro sang anti-corruption groups ang naghiwat sang protesta batok sa corruption kahapon, Hunyo 28.
Nagpanawagan sang accountability ang mga protesters sa mga government officials nga involved sa multibillion-peso flood control scandal, samtang ginaduso sa Senado ang pagpadayon sa impeachment trial ni Vice President Sara Duterte.
Ang August Twenty-One Movement (ATOM), kaupod ang Tindig Pilipinas, nagpamuno sang “Walk for Justice” sa Ayala Avenue sa Makati, kon sa diin nagpanawagan ang mga protesters sang pagkapreso sang mga corrupt .
Nagtipon man ang mga Church leaders kag civil society groups para sa White Ribbon March, nga ginsuguran sang misa sa EDSA Shrine bag-o magmartsa ang mga partisipante pakadto sa People Power Monument.
Suno kay Quezon City Police District Director Brig. Gen. Glenn Silvio, masobra 3,500 ka mga partisipante ang nag-upod sa rally sa White Plains Avenue.
Tuyo sang rally ang paghugpong sang mga Filipino batok sa corruption bisan may mga nagkalain-lain nga political affiliation suno kay David San Juan, Convenor sang TAMA NA (Taumbayan Ayaw sa Magnanakaw at Abusado Network Alliance).
