Masobra 24 ka mga indibidwal ang napatay matapos mahulog ang isa ka bus sa Padma River sa Daulatdia, Rajbari district.
Naglugdang ang bus sa kadalumon nga 9 metros kag may sakay nga yara sa 40 ka mga pasahero.
Suno sa fire service official nga si Talha Bin Qasim, nakuha sang rescue teams ang 22 ka lawas halin sa bus, lakip ang lima ka kabataan, 11 ka babayi, kag anum ka lalaki sa diin duha pa ka babayi ang napatay pagkatapos masalbar.
Ginpangunahan sang apat ka fire service units kag 10 ka divers ang rescue operations, nga ginsuportahan sang army, police, coastguard, kag lokal nga awtoridad.
Suno sa mga awtoridad, madamo ang aksidente sa dalan kag ferry sa Bangladesh bangud sa malain nga dalanon, daan kag malain nga kondisyon sang mga salakyan, kag madasig nga pagmaneho sang mga driver.
Sa karon, padayon pa ang imbestigasyon kag search and rescue operations bangud gina-alegar nga may yara pa sang mga indibidwal nga wala pa nakit-an sang mga otoridad sa nasambit nga naglugdang nga bus.
