KORONADAL CITY– Gindayaw sang madamo nga mga Overseas Filipino Workers sa pungsod Japan ang bag-o nga kasugtanan nga ginpirmahan nanday Japanese Prime Minister Shinzo Abe kag President Rodrigo Duterte kadungan sang pagtambong sang presidente sa Nikkei-organized Future of Asia forum saTokyo.
Suno kay Bombo International Correspondent Maria Cecilia Kusuhara nga pila na ka dekada nga nagatrabaho kag nagaistar sa Japan halin sa syudad sang Koronadal na yara sa masobra 20,000 ka trabaho ang pagabuksan sang Japanese Governemt para sa mga Filipino Skilled Workers.
Magabukas ang nasambit nga oportunidad sa mga Cargivers, Farmers, Machine Operators, Agriculturist, Welders, Hotel Workers, Electricians kag madamo nga iban pa.
Malipayon man ang mga trabahante nga mga Pinoy bangud halin sa tatlo ka tuig nga kontrata pagahimuon na nga lima ka tuig ang kontrata sang OFW sa Japan kag kun mangin maayo ang performance pagahatagan ini sang Residential Visa kag sarang na sini madala ang iya nga pamilya
