KORONADAL CITY – Naglab-ot sa masobra 200 ka pamilya ang apektado sang landslide kag paghampak sang mabaskog nga balud tuga sang mabaskog man nga pagbubo sang ulan sa banwa sang Palimbang,Sultan Kudarat.
Ini ang ginkumpirmar ni Norhan Apil, ang MDDRMO acting Officer sang Palimbang.
Suno kay Apil, kalakip sa mga apektado nga lugar ang sitio Nalinan sang Barangay Libua, Kidayan sang Northern Palimbang, Malisbong, San Roque kag Poblacion sa nasambit nga banwa.
Magluwas sini, naglab-ot man sa 39 ka mga motorized bangka ang naguba kun diin 12 sa mga ini ang totally damage.
Samtang, ekta-ektarya pa ang padayon nga ginamonitor sa mga naguba nga pananum kun diin duha man ka taytay ang naguba.
Kaangot sini, nagapanawagan sang bulig ang mga residente sa lugar gikan naman sa provincial government.
