KORONADAL CITY – Nagselebrar sang Eid’l Fitr ukon ang pagtakop sang Holy Month of Ramadan ang masobra 200 ka pamilya sa evacuation centers sa banwa sang Datu Paglas, Maguindanao.
Ini ang ginpahayag ni Boy Tucao, MDRRM Officer sang Datu Paglas sa ekslusibo nga interbyu sang Bombo Radyo Koronadal.
Suno kay Tocao, ang masobra 200 ka pamilya nga ini nga ginakabig mga Internally Displaced Persons (IDPs) ang nagbakwit matapos nga nagdeploy ang militar sang dugang nga military trucks bangud sa nagapadayon ngaa tension bangud sa operasyon batuk sa Bangsamoro Islamic Freedom Fighters-Karialan Faction.
Sa pagkamatuod, nagpreparar man ang LGU-Datu Paglas sang mga ayuda gikan sa lokal nga gobyerno para sa mga IDP’s .
Kadam-an sang mga bakwit ang nagikan sa 3 barangay nga ginalakipan sang Barangay Puya, Mangandeg kag Damalusay sa nasambit nga banwa.
Ginpasiguro man ni Tucao nga mangin luwas ang mga bakwit sa subong nga selebrasyon sang Eid’l Fitr sa ila nga banwa.
