KORONADAL CITY– Ginkalipay sang kapulisan sa probinsiya sang South Cotabato ang positibo nga sabat sang mga kandidato sa Barangay kag Sangguniang Kabataan eleksiyon nga magaidalom sa drug test bilang challenge sa ila.
Suno kay South Cotabato Provincial Director PSSUPT. Nestor Salcedo, tanan nga police stations sa 10 munisipyo kag isa ka siyudad sa South Cotabato ang nagpatigayon sang drug testing kaupod na ang DILG kag Comelec.
Kaangot sini, naglab-ot sa masobra isa ka libo na ang nagpaidalom sa drug test gikan sa mga banwa sang Tboli, Tantangan, Tupi, Banga kag siyudad sang Koronadal.
Dugang pa sang opisyal nga boluntaryo nga nagpaidalom sa drug test ang mga kandidato nga ginalauman magatakop kadungan sang last day sang campaign period sa Mayo 12.
Una naman nga ginpahayag ni PRO-12 Director PCSUPT. Marcelo Morales nga yara sa 19 ka mga munisipyo sa bug-os nga rehiyon ang nagpatigayon sang drug test challenge.
