-- ADVERTISEMENT --
Ginpahayag sang Department of Energy (DOE) nga nakinot ang pungsod sang halos 145.43 megawatts nga enerhiya bangud sa pakigbahin sa Earth Hour.
Base sa datos sang DOE, naglab-ot sa 75.25 MW ang nakinot sa Luzon, 66.6 MW sa Visayas, kag 3.58 MW sa Mindanao.
Suno kay Energy Secretary Sharon Garin, ang aktibo nga partisipasyon sang mga Pilipino nagapakita nga posible ang dako nga pagnubo sang konsumo sa enerhiya.
Gindugang pa niya nga ang pagkinot sang enerhiya dapat indi lang sa isa ka oras, kundi himuon nga kabahin sang adlaw-adlaw nga pangabuhi.
Ginahingyo man sang DOE ang publiko nga padayon nga praktison ang energy-efficient nga pamatasan indi lang sa Earth Hour kundi lakip sa adlaw-adlaw kag sa trabaho.
