-- ADVERTISEMENT --
Nahatagan na sang trabaho ang sobra 1,300 ka tawo nga naapektuhan sang tumagas nga langis sa Bataan.
Suno kay DOLE Secretary Bienvenido Laguesma, naglaan ang ahensya sang P45 million para sa 1,357 nga apektado nga manggagawa, lakip na ang mga mangingisda kag mangunguma, pinaagi sa TUPAD program.
Ang mga trabaho nga ginhatag nagalakip sang paglimpyo kag pagkolekta sang mga materyales para sa spill boom.
Dugang pa sini, magahatag man ang DOLE sang bulig pangkabuhayan sa mga naapektuhan pinaagi sa ila mga regional offices.
May P20 million nga pondo man nga ginlaan para sa mga apektado nga manggagawa sa Calabarzon, partikular sa Cavite.
