KORONADAL CITY- Ginpatigayunan naman sang hublag protesta sang masobra 100 nga mga myembro sang leftist group ang Provincial Capitol sang South Cotabato agud ipalab-ot ang nila mga panawagan sa gobyerno.
Ang mga raliyesta ang yara sa masobra 100 kun sa diin ginakabug-usan sang mga lumad halin sa nagkalain-lain nga mga lugar sa South Cotabato kag South Central Mindanao, mga menor de edad nga yara sa 12 anyos panubo kag mga myembro sang leftist group nga KALUHAMIN kag Kilusang Magbubukid ng Pilipinas o KMP kag Gabriela.
Sa esklusibo nga interbyu sang Bombo Radyo Koronadal kay Lito Roxas tagpamaba sang KMP, nagpanawagan sila sa Duterte administration nga untaton na suno pa ang nagaluntad nga Extra Judicial Killing sa idalum sang Martial Law kasubong sang alegasyon sang mga ini nga pagmasaker suno pa sang militar sa tribal leader sa Brgy. Ned Lake Sebu nga si Datu Victor Danyan kag 7 ka iban pa nga myembro sang tribo.
Nagpanawagan naman ang mga ini nga untaton na ang pagmina sa probinsya ilabi na ang ginaduso nga coal mining sa Lake Sebu.
Dugang pa sini nga ila man ginkondenar ang pag detain sa 5 ka mga foreigners nga kabahin sang fact finding mission sa nagluntad nga encounter sa Datal Bonglangon kun sa diin ini nalang kun tani suno pa ang ila pamaagi agud ipanawagan sa international community ang kawad-an suno pa sang hustisya para sa mga lumad sa pungsod.
