Nagapabilin sa evacuation center ang yara sa 108 ka pamilya nga apektado sang landslide sa banwa sang Norala, South Cotabato.
Ini ginkumpirma ni Norala Mayor Clemente Fedoc sa interbyu sang Bombo Radyo Koronadal.
Suno kay Mayor Fedoc, ang nasambit nga mga pamilya nag kusa nga nagbakwit halin saila mga panimalay sa Purok Lambusong sang Barangay.Puti kun sa diin nahitabo ang pagtiphag sang lupa.
Suno pa saiya, bag-o pa man nahitabo ang pag bubu sang ulan may yara na sang mga nakit an nga tension cracks sa nasambit nga lugar nga naging rason sang landslide.
Dason man nga ginhatagan sang bulig patas sang pagkaon ang nagbakwit nga mga residente.
Sa karon, nagapreparar ang LGU Norala sang nga pwede gamiton bilang resettlement area.
Samtang, bangod sa padayon nga pag bubu sang ulan sa probinsya sang South Cotabato sang Bagyong Kristine nagpatupad sang suspension extension sang klase sa banwa sang Lake Sebu, Banga, kag Tboli.
Padayon man nga nagapanawag ang PDRRMO South Cotabato nga mangin alerto labi na sa pagbubu sang ulan agod malikawan ang ano man nga trahedya.
