KORONADAL CITY – Nagsakapa pa sa 106 ang kaso sang mga nagpositibo sa balatian nga Covid-19 sa mga Persons Deprived of Liberty (PDL) sa sulod sang South Cotabato Provincial Jail nga may pinakadako nga kontribusyon sa pagsaka sang kaso sang Covid-19 sa syudad sang Koronadal.
Ini ang ginkumpirmar ni Dr. Edito Vego, Koronadal City Health Officer sa interview sang Bombo Radyo Koronadal. Suno kay Dr.Vego, magluwas sa mga napagkit nga nagpositibo , may halos 200 pa nga ginpaidalom sa swab test nga wala pa nag guwa ang resulta kag ginalauman nga madugangan pa sa numero sang kaso sa syudad.
Aminado man si Dr.Vego nga ginakabig man ng economic hub ang syudad sang Koronadal bilang regional center kabangdanan nga lauman suno pa ang temporaryo nga papanubo sa ideya nga pagpaidalom sa lockdown sang 5 ka mga barangay nga may mataas man nga kaso sang Covid-19.
Magluwas pa diri, dako man ang porsiyento ang kontribusyon sang mga naga positibo nga mga Authorized Person Outside of Residence (APOR) halin pa sang mga regional offices, public kag private offices kag mga dalagkuan nga estabishemyento komersyal sa syudad. Apang ginpasiguro man sini nga may mga naka preparar nga isolation facility para sa mga magpositibo sa balatian.
Kaangot sini, naga panawagan man si Vego sang kooperasyon kag pagtuman sa mga gintalana nga mga minimum health standard protocols para sa mga pumuluyo sang Koronadal.
