Hinatulan sang Sandiganbayan Second Division sang 10 ka tuig nga pagkapreso si Mary Ann Maslog matapos mapamatud-an nga guilty sa P24 milyong graft case nga may kaangtanan sa nagluntad nga textbook scam sang 1998.
Si Maslog upod sa duha ka dati nga opisyales sang Department of Education Culture and Sports (DECS) nga sanday Emilia Aranas kag Ernesto Guiang.
Ang duha ka anay DECS official gin-sentensiyahan sang Sandiganbayan sang 10 ka tuig nga pagkapreso.
Wala dayon nasentensiyahan si Maslog bangud napa-report nga napatay na siya.
Apang bigla lang ini nagpakita si Maslog sa National Bureau of Investigation (NBI) nga may ngalan nga Jessica Francisco.
May reklamo siya nga ginsumiter sa NBI, pero sang gin-usisa sang ahensya ang iya identidad, napamatud-an sang NBI nga si Maslog kag si Francisco isa lang kay may pareho sila nga fingerprint.
Tungod sini, ginluyag siya sang Sandiganbayan kag ginpahanas sa iya sala sa textbook scam.
