Pulo ka pungsod sa Africa ang nakasugata sang paglapta sang mpox bangud sa clade Ib monkeypox virus (MPXV) sa nagligad nga anum ka semana.
Ang Democratic Republic of the Congo ang may pinaka-madamo nga kumpirmado nga kaso sang mpox sa Africa subong tuig 2025, apang may kakulangan sa datos kag pagsusisa bangud sang nagnubo nga kapasidad sa testing.
Sa Uganda, nagnubo ang kumpirmado nga mga kaso sa mga nagligad nga inadlaw, apang nagapadayon gihapon ang mabaskog nga paglapta sini, may lapit 200 nga bag-o nga kaso kada semana.
Nagapadayon man ang pagnubo sang kaso sa Burundi, halin sa sobra 200 nga kaso kada semana sang kasagsagan sang outbreak, subong mas manubo na sa 50 kada semana.
Sa Sierra Leone, nagtaas ang ihap sang kumpirmado nga mga kaso sa nagligad nga anum ka semana, may labaw sa 600 nga bag-o nga kaso sa ulihi nga semana, kadam-an sa mga pamatan-on nga yara sa urban nga mga lugar.
Bisan diri sa Pilipinas, may natala man nga mga kaso sang Mpox.
