-- ADVERTISEMENT --
Posible na nga makabakal sang barato nga bugas humalin sa Agosto suno sa Department of Agriculture.
Magaabot suno pa sa pungsod ang mga imported nga bugas nga mas manubo ang presyo bangud sa epekto sang Executive Order no.62 ukon 15% nga buhin sa taripa sa mga gina-import nga bugas kag iban pa nga produkto.
Ginalauman nga mabatyagan ang buhin nga P6-P7 sa presyuhanay sang imported nga bugas sa pagbulubanta sang Philippine Statistics Authority (PSA).
Igapaidalom sa pagtuon ang kada apat ka bulan kung epektibo bala ang EO para mas mapabilin pa ang barato nga bugas kag mas mapuslan pa sang mga manugbakal.
