KORONADAL CITY – Ginbuweltahan ni Commission on Human Rights 12 Regional Director Erlan Deluvio ang mga katapo sang Philippine National Police ukon PNP ilabi na sa banwa sang
Isulan, Sultan Kudarat.
Ini ang kasunod sang nagluntaw nga liwat naman nga pagsigabong sang bomba sa nasambit nga banwa kun sa diin gintarget ang
Carlitos restaurant nga nagbilin sang 18 nga pilason.
Sa interbyu sang Bombo Radyo Koronadal kay CHR 12 Deluvio, dapat subong nga yara sa idalom sang Martial Law ang Mindanao dapat kun tani nga mas hugot ang seguridad kag mabudlayan makahimo sang bayolente nga kalakasan ang mga kriminal apang kasubong nga indi nangin epektibo ang Martial law sa mga terorista.
Kaangot sini nagakadapat man suno pa nga indi magpakampante ang mga otoridad sa nasambit nga banwa bangud makapila ka bes man nga ginpasigabungan ang Isulan.
Sa pihak sini, ginpasiguro sang CHR 12 nga tutukan nila ang dalagan sang imbestigasyon agud mahatagan sang hustisya ang mga 18 ka panibag-o nga biktima sang bombing.
