KORONADAL CITY – Padayon pa nga ginahibalo sang Tampakan PNP kun sin-o ang nagapanag-iya sang marijuana plantation nga narekober makaligad ang ginpatigayon nga raid sang mga otoridad.
Joint Operation of Tampakan MPS and Pdea Rehiyon Dose conducted Police Enforcement Operation (marijuana eradication) in the boundary of sitio alyong, brgy. Danlag, tampakan, South Cotabato and sitio sdawag, brgy. Kimlawis, Davao del sur
(Photo courtesy of Tampakan MPS)
Ini makaligad 11,000 ka mga tanom sang marijuana ang nasapwan sa border sang Sitio Alyong, Brgy Danlag sa nasambit nga banwa kag sang Sitio Sdawag, Kimlawis, Kiblawan, Davao del Sur.
Gilayon naman nga ginrespondehan sang mga katapo sang kapulisan kag sang PDEA-12 ang area, kun sa diin pag-abot sa lugar pila sa mga tanom ang bag-o lamang gingabot.
Ginsunog naman ang kadam-an sa mga tanom samtang gindala ang iban sa Tampakan PNP para sa dugang nga imbestigasyon.
Nahibaluan nga ang pag cultivate kag pag-usar sang marijuana sa Pilipinas ang iligal sa idalom sang Republic Act 9165 ukon Comprehensive Dangerous Drugs Act of 2002.
