-- ADVERTISEMENT --
Ginkilala sanday Marian Rivera kag Gabby Padilla bilang co-winners sang Best Actress Award sa Cinemalaya 2024.
Nakuha ni Rivera ang nasambit nga award sa performance sini bilang Teacher Emmy sa pelikula nga “Balota” samtang si Gabby naman sa iya performance sa “Kono Basho.”
Tuman naman ang pagpasalamat ni Marian sa nasambit nga award kag ginakabig nga isa ka regalo para sa iya kaadlawan.
Samtang, ginkilala naman bilang Best Film award sa 20th Cinemalaya Philippine Independent Film Festival ang “Tumandok”, isa ka pelikula nahanungod sa Ati ethnic group sa Iloilo.
