Nagaupod ang bantog nga singer nga si Mariah Carey sa pagsaulog sang mga Pinoy sang Paskwa.
Sa X, gin-repost sang “All I Want For Christmas Is You” hitmaker ang post sang Sony Music Philippines sa diin makita ang Filipino community choir nga nagakanta sang iya Christmas song sa isa ka mall sa Pasay City.
Sa caption, gintamyaw ni Mariah ang mga Pilipino sang malipayon nga Paskwa.
Sang September, gin-updan man sang singer ang iya mga tagsakdag nga Pinoy sa temprano nga selebrasyon sang Christmas paagi sa pag-share sang site nga ginadedikar sa Pilipinas kag ginlakipan sang links sa diin mapatukar sang iya fans ang kanta nga “All I Want For Christmas Is You.”
Sa karon may masobra 2 billion streams na ang nasambit nga kanta sa isa ka streaming platform.
