Ginpasiguro sang Palasyo sang Malakanyang ang padayon kag maid-id nga pagpanguna ni Presidente Ferdinand Marcos Jr. sa pagpanindugan sang Pilipinas para sa iya teritoryo kag mga katungdanan sa maritime sa West Philippine Sea.
Ini nga pahayag ginpagwa ni Palace Press Officer Claire Castro kasunod sang alegasyon sang China nga ila na ang Sandy Cay — isa ka pahayag nga ginpanginwala sang Palasyo.
Suno kay Castro, ang mismo nga National Security Council (NSC) ang nagsiling nga wala sang kamatuoran ang nasambit nga report halin sa China.
Ginpahayag man niya ang ginhimo nga inter-agency maritime operation sa Sandy Cay 1, Cay 2, kag Cay 3 bilang kabahin sang paningwa sang gobyerno sa pagprotekta sang interes sang Pilipinas.
Ginpaathag ni Castro nga ang pagpangapin sang Pilipinas sa iya mga katungdanan ginahimo sa paagi nga nagapadayon ang respeto sa internasyonal nga layi, kag may tuyo nga mapabilin ang kalinong kag katatagan sa rehiyon.
