Marcos nagmando sang crisis committee para tutukan ang pagsaka sang presyo sang gatong

Ginmanduan ni President Ferdinand “Bongbong” Marcos Jr. ang pagtukod sang crisis committee bangud sa nagataas nga presyo sang gatong bangod sang sitwasyon sa Middle East.

Suno kay Palace Press Officer Atty. Claire Castro, ginpahamtang na ang komitiba antes pa may suhestiyon nga maghimo sini.

Ginpahayag niya nga wala sang krisis sa gasolina sa Pilipinas kay may igo nga suplay.

Ang pagtaas sang presyo resulta lang sang disruption sa merkado bangod sang mga problema sa Middle East, suno kay Energy Secretary Sharon Garin.

Ginpahayag man ni Castro nga ang komitiba magabulig nga mangin organisado kag handa ang gobyerno sa bisan ano nga sitwasyon.

Wala pa sang detalye parte sa komitiba samtang ini gina-finalize pa.