Magapangatubang sang kaso nga 2 counts of Reckless Imprudence resulting to homicide kag Reckless imprudence resulting to damage to property ang driver sang mini van nga nagbunggo-patay sa manunudlo kag bata sini sa bahin sang sang National Highway ng Poblacion, M’lang, Cotabato.
Ginkilala sang M’lang MPS ang driver sang mini van nga si Jose Eapino Managuit, 57 anyos, may asawa nga taga Purok 7, La Esperanza, Tulunan Cotabato
Nagguwa sa imbestigasyon sang mga otoridad nga gintilawan nga mag-overtake ni Managuit sa isa ka salakyan sang wala sini natalupangdan nga kasugata na sini ang mag-iloy nga biktima.
Ginkilala sang M’lang PNP ang napatay nga manunudlo nga si Janelyn Pino, 38 anyos, isa ka manunudlo nga residente sang Barangay Inas sa nasambit nga banwa samtang patay man ang bata sini nga si Sean Andrew Damcel, 13 anyos kag estudyante sang Mlang National Highschool.
Sa kabaskog sang impact, nagtabog ang mga biktima samtang indi naman mapuslan ang salakyan sang mga ini, gupi man ang atubang nga parte sang van kag pilason man ang driver sini.
Sa karun preparado na ang kaso batok sa driver sang minivan agud mapanabat ini sa nagluntad nga aksidente.
