-- ADVERTISEMENT --
KORONADAL CITY – Nagapadayon ang imbestigasyon sang mga otoridad sa nagluntad nga pagpangluthang-patay sa isa ka manugbaligya sang bingka sa banwa sang Polomolok, South Cotabato.
Ginkilala ang biktima nga si Marven Mansanadez, 24 anyos nga residente sang Barangay Ned, Lake Sebu, South Cotabato.
Sandig sa impormasyon, nagabaligya sang bibingka sa higad sang highway ang biktima sang ginpalapitan sang suspek kag gintiro pasado alas-7, Miyerkules sang aga.
Sa karon, ginahibalo pa ang motibo sang pagpatay sa biktima.
Samtang, blangko pa ang mga otoridad kun sin-o ang responsable sa krimen.
