KORONADAL CITY – Ginbawian sang kabuhi ang isa ka manug-install sang wifi sang isa ka internet company matapos nga makuryente samtang nagatakod sang linya sang internet sa Purok Malipayon, Barangay Topland, Koronadal City.
Ginkilala sang mga otoridad ang biktima nga si Albino Rodel Jr., 32-anyos nga residente sang Purok Maawain, Barangay San Jose,Koronadal City.
Sa interview sang Bombo Radyo Koronadal kay Ginang Gevero, nakakita sa natabo, antes makuryente ang biktima, namangkot pa ini kun pila ang magpatakod sang wifi.
Apang, wala lamang magdugay, gintawag na ini sang iya hinablos kag ginpahayag nga nakuryente ang biktima kag daw kasubong nga wala na nagahulag sa ibabaw sang puno sang sarisa.
Naresponderan man gilayon ang biktima kag nadala sa hospital apang gindeklarar na ini nga patay.
Sa karon, nagapanahanumdom ang mga otoridad sa mga wifi installer kag pumuluyo nga likawan ang pagtandog sang live wire ilabi na nga mataas ang boltahe sang kuryente bangud mangin tunaan ini sang kamatayon.
