KORONADAL CITY – Wala na sang kabuhi ang isa ka manug-2 ka tuig nga bata nga lalaki makaligad nga malumos ini sa irrigation canal sa bahin sang Barangay Colongulo,Banwa sang Surallah,South Cotabato.
Ini ang ginkumpirmar ni Leornardo Ballon, MDRRMO sang Surallah sa interview sang Bombo Radyo Koronadal.
Suno kay Ballon, wala na nahingagaw pa sa balay-bululngan ang bata matapos nga wala ini matalupangdan sang iya mga ginikanan nga nadula.
Gikilala sang mga otoridad ang bata nga si alyas “MJ” kun nga residente man sang nasambit nga lugar.
Sa panaysayon naman sang amay sini, halos hindi nila mabaton ang natabo bangud wala sila naglaum nga mahulog sa lining ang ila bata kag malumos tubtob ginbawian sang kabuhi.
Nahibaluan nga malapit gid lamang ang ila nga balay sang irrigation canal kun sa diin gina alegar nga nahulog ang bata gintinguha pa nga e-revive sang rescue team apang wala na ini nahingagaw pa.
Pag-abot sa balay-bululngan, gindeklarar na nga patay si “MJ”.
Isa lamang ang biktima sa 3 ka mag-utod kag bangud sa pigado lamang ang iya nga pamilya, nagapangayo sang bulig ang pamilya Magbanua sa may mabulawanon nga tagipusoon para sa haya kag pagpalubong sa iya.
