-- ADVERTISEMENT --
Ginkumpirmar na sang Filipino boxing icon nga si Manny Pacquiao ang iya pagbalik sa boxing ring.
Suno sa 46-anyos nga anay senador, nagdesisyon siya nga magbaton sang hamon nga makigbato kay Mario Barrios para sa WBC welterweight title.
Ginalauman nga matabo ang ila paghampang sa bulan sang Hulyo sa Las Vegas, Estados Unidos.
Ang nasambit nga pagatubangay isa ka bulan antes sang iya formal nga pagkilala sa International Boxing Hall of Fame sa bulan sang Hunyo.
Ang pinakaulihi nga away ni Pacquiao amo sang Agosto 21, 2021, sang natalana siya ni Cuban boxer Yordenis Ugas para sa WBA welterweight crown.
