Tuman nga naapektuhan sa karon ang mga mangunguma bangud naman sa nagalala nga mga presyuhanay sang mga balaklon ilabi na ang presyo sang bugas.
Sa interbyu sang Bombo Radyo Koronadal kay Mr. Leo Fuentes, MASIPAG Mindanao Coordinator, ginpahayag sini nga indi makatarungan sa karon ang mga panghilitabo para sa mga mangunguma bangud tuman sila ka lugi sa pihak nga sila sa gihapon ang mga ginakonsidera nga mga rice consumers.
Suno sa iya, apisar nga may yara sang mga ginahimo nga pamaagi si Presidente Ferdinand Marcos Jr. agud nga mahimu nga magbalik ang presyo sa mas barato — indi gihapon ini insakto ilabi na nga dako man sa gihapon nga kalugian ining pagahimuon sang gobyerno nga mag-import na lamang sang bugas sa luwas sang pungsod.
Sa pihak nga bahin, nagapati naman ini nga posible man nga maging P20.00 ang kilo sang bugas, apang maga perwesyo naman ini sa mga mangunguma bangud mahal man sa gihapon ang baraklon kasubong sang abono.
Sa karon, nagapangabay kag nagapanawagan na lamang ini sa Presidente nga isipon kag tun-an gid sang mayad ang tanan nga mga plano antes ini ihan-ay bangud may pipila sa gihapon ang maga-antos kasubong na lamang sa mga mangunguma bangud sa karon nahibaluan nga tuman gid nga apektado amo ang patag sang Agrikultura.
