KORONADAL CITY – Nagresulta sa kamatayon sang isa ka mangunguma samtang pilason naman ang duha ka sibiliyan sa nagluntad nnga pagpangharass sang mga armado nga kalalakihan sa mga barangay nga sakop sang Datu Odin Sinsuat, Maguindanao del Norte.
Ini ang ginpahayag ni Lt.Col. Roden Orbon, spokesperson sang 6ID, Philippine Army sa interview sang Bombo Radyo Koronadal.
Ginkilala ang napatay ng si Saidamen Mantawil, yara sa legal nga edad kag residente sang Sitio Tinabon, Barangay Kusiong samtang ang mga poilason nga sibilyan ang padayon pa nga ginabulong nga nagikan naman sa Sitio Ladsan, Barangay Linek sa nasambit man nga banwa.
Magluwas sini, masobra 10 ka mga panimalay man ang ginsunog sang mga armado sa Sitio Ladsan Barangay Linek.
Suno sa kapulisan,gin-atake kag ginharass sang mga armado ang Barangay Mompong kun diin yara sa masobra 800 na ka pamilya ang nagbakwit.
Indi pa matumod sang mga otoridad kun ano ang rason sang pagpangharass sang mga armado sa nagkalain-lain nga lugar sa DOS.
Sa karon, nagapabilin sa evacuation centers ang mga nagbakwit nga pamilya.
Nagdeploy naman sang dugang nga pwersa ang kapulisan kag kasuldaduhan sa lugar agud indi na magluntad pa ang kalakasan.
![](https://img.bomboradyo.com/koronadal/2024/07/DOS-encounter.jpg)