Gindeklarar nga Dead on Arrival sa Maitum Municipal Hospital ang isa ka lalaki matapos ini ang ginlabo pasado alas 2:00 sang hapon kahapon, sa Sitio Kalimudan, Brgy. Ned, Lake Sebu, South Cotabato.
Ang biktima amo ang ginkilala kay Larry Parohinog, 49 anyos, isa ka mag-uuma kag residente sang nasambit nga lugar.
Ginkilala naman ang suspek kay alyas “William,” 42 anyos, isa man ka mag-uuma kag residente sang amo man nga barangay.
Base sa imbestigasyon sang Lake Sebu PNP, nagkadto ang biktima sa balay sang suspek agud mangita sang iya nadula nga manok.
Apang ginpahayag nga gilayon siya ginlabo sang suspek nga ginaalegar nga hubog sang tion sang insidente.
Nag-angkon sang madalom nga pilas sa tuo nga li-og si Parohinog nga ginpahayag nga ginsablig sang binangon.
Dayon siya gindala sa Maitum Municipal Hospital sa Sarangani, apang gindeklara nga patay sang mga doktor pag-abot.
Nadakpan naman gilayon ang suspek kag yara na sa kustodiya sang Lake Sebu PNP samtang ginapreparar ang mga kasong kriminal nga ipasaka batok sa iya.
