KORONADAL CITY- Nagakaangay nga indi sa gihapon magkumpyansa ang tanan apisar nga nagmandu si PBBM nga boluntaryo na lamang ang pagsusok sang facemask sa indoor setting.
Ini ang ginpahayag ni Doc. Vincent Ende, OIC City Health Officer sang Koronadal sa interbyu sang Bombo Radyo Koronadal.
Suno sa iya, apisar nga amo ini ang kamanduan, nagakaangay nga ang mga wala mabakunahan nga indibidwal, persons with comorbidities, kag mga senior citizens ang magsuksok sa gihapon bangud indi naton mapaktan ang panahon ilabi nga may may yara na sa karon sa pungsod sang panibag o nga variant sang Covid-19.
Kung madumduman, ginpahayag ni Tourism Secretary Christina Frasco, magapagwa sang executive order si President Ferdinand ‘Bongbong’ Marcos Jr., kaangot sa nasambit nga mando.
Ginpahayag sang tiglikom nga ini ang ila naistoryahan sa ginpatigayon nga Cabinet meeting.
Ang executive order ni Marcos ang santo naman sa recommendation sang Inter-Agency Task Force for the Management of Emerging Infectious Diseases.
Apang, suno kay Frasco, required ukon mandatory sa gihapon ang pagsuksok sang face mask sa mga pampubliko nga transportasyon, medical transportation, kag medical facilities.
Ang mga indibidwal nga unvaccinated, may co-morbidities kag senior citizens ang “highly encouraged” sa gihapon nga magsuksok sang face mask.
Nahibaluan nga una na nga ginmando sang presidente nga mangin optional na lang ang pagsuksok sang face mask sa outdoor places.
