KORONADAL CITY- Ginpahayag ni 6th Infantry Division Philippine Army spokesperson Major Arvin Encinas nga malayo na ang sitwasyon subong sang Tukanalipao, Mamasapano, Maguindanao makaligad ang apat na ka tuig sang magluntad ang Mamasapano encounter.
Sa ekslusibo nga interbyu sang Bombo Radyo Koronadal kay Major Encinas, naakaangkon na sang development sa lugar kun sa diin may gintukod na nga covered court nga ginausar na sang mga residente.
Dugang pa sini nga ang gintukod man nga taytay ang magasirbe nga patimaan sang sakripisyo sang mga napatay nga SAF44 agud malab-ot ang ginahandum nga kalinong sang tanan.
Ginpahayag man ni Major Encinas nga madamo nga leksyon ang nabulig sang Mamasapano encounter sa tropa sang gobyerno kasubong sang komunikasyon kag koordinasyon.
Ang nasambit nga panghitabo man ang nangin kabangdanan agud maghugpong sa pagtapna sang terorismo sa rehiyon agud makaangkon sang normal kag malinong nga kabuhi ang mga sibilyan.
