KORONADAL CITY – Makalulooy ang nadangtan sang isa ka OFW nga ginamaltrato sa Saudi Arabia bangud sa pagpang-abuso sang iya mga amo.
Sa interbyu sang Bombo Radyo Koronadal kay alyas Melody, isa ka OFW advocate sa Jeddah, Saudi Arabia, nagpabulig ang mga kaupdanan ni Delsa Masangkay nga tumandok sang Banga, South Cotabato, nga ma-rescue ini makaligad nga nakaangkon sang madamo nga pilas sa iya kamot.
Suno sa mga kaupod ni Masangkay, hinali na lamang nga nakig-away sa kutsilyo an OFW makaligad siya nga ginsipa sang iya amo kag ginkuha ang patalom, sa kahadlok nga basi bun-on ini.
Nagluntad suno pa ang insidente samtang naga-slice ini sang sibuyas kag kamatis bangud nagaluto ini sa kusina.
Dugang ni Melody, wala man nagasabat ang mga recruitment agencies ni Masangkay sa General Santos agud ipahibalo ang iya sitwasyon kag tigayon nga nga maaksyonan.
Sa subong naglapta na ang laragway sini sa mga kasimanwa nga nagpahayag sang tuman nga kaakig sa employer sini kag kalooy naman para kay Masangkay.
