Nagpatigayon ang mga estudyante sa Iran sang malapnagaon nga anti-government protests sa pila ka unibersidad, lakip na ang , matapos ang marahas nga crackdown sang gobyerno sa mga nagligad nga bulan.
Ang mga nagprotesta nag-alay-pugay sa mga biktima sang mga nagligad nga nationwide protests.
Samtang nagapadayon ang tensyon, naghatag ang Estados Unidos sang pagpaandam nga posible magpatuman sang military strike matapos makita ang presensya sang ila militar malapit sa Iran, samtang may ginalauman nga meeting sa Switzerland para talakayon ang nuclear program sang Iran.
Nagwa man ang mga indi beripikado nga video sang sit-in protests kag mga engkwentro sa tunga sang pro- kag anti-government groups sa Tehran.
Wala pa sang klaro nga impormasyon kun may mga naarestar sa nasambit nga insidente.
Suno sa Human Rights Activists News Agency, ginabulubanta nga 6,159 ka mga indbidwal ang napatay sa mga protesta, lakip na ang mga kabataan kag mga security personnel.
Bangud sini, may mga grupo sang oposisyon nga nagapanawagan sang aksyon halin sa Amerika, samtang may mga nagapangayo sang interbensyon sang iban nga mga pungsod.
